Big Brother Albania 5 Live

Ola, e eliminuara e kësaj jave; Publiku voton për të preferuarin e tij

admin — Thu, 03 May 2012 16:53:26 +0000

Arbana shprehet se është momenti për të vazhduar me vendimin e zarfit në lidhje me nominimet e javës. Banori i dytë që shpëton nga nominimi është Tani, kështu që eliminimi mbetet mes Gracianos e Olës Arbana jep vendimin përfundimtar, e banori që lë shtëpinë e BB sonte është Ola. Më pas, Arbana komunikon për publikun se do të hapet një televotim live ku do të votohet për banorin më të parapëlqyer. Ky televotim është vendimtar për nominimet e javës. Po ashtu kjo gjë u bëhet e ditur dhe banorëve, ku publiku do të votojë për banorin që mendon se i ka dhënë më shumë shtëpisë e secili prej tyre ka mundësinë për të bërë apel publikut për t’i votuar.

Grupet e krijuara në shtëpinë e BB; Trekëndësh i fortë mes Liamit, Arbrit e Gertës

admin — Wed, 02 May 2012 16:51:37 +0000

Java që lamë ka qenë e ngjeshur me episode. Në shtëpi është krijuar një trekëndësh i fortë mes Gertës, Liamit e Arbrit. Këtij trekëndëshi i është shtuar tashmë dhe Tani. Nga ana tjetër janë: Françi, Ermali, Erioni, Genta e Graciano, i cili me gjithë përpjekjet për të luftuar vetëm, i është bashkuar grupit. Arbana komunikon me banorët e u thotë se gjithçka që nuk transmetohet në klipe gjatë spektaklit, nuk meriton vëmendje, për shkak të toneve të larta dhe fjalorit që ata përdorin herë pas here. Arbana i fton të gjithë të shohin një klip me tematikën e grupimeve të shtëpisë e së pari protagonistë janë grupi i parë i Liamit. E pas komenteve nga banorët, shfaqet një klip tjetër me protagonistë, grupin e dytë të krijuar në shtëpi. Liami, Gerta e Arbri pohojnë se janë grup, por Arbri distancohet e thotë se kanë përputhje mendimesh e jo domosdoshmërisht mund të quhen grup. Çështjet më pikante janë që Françeska e Tani janë shprehur se Genta nuk kuptohet në cilin grup bën pjesë, Gertën e pyet nëse me Liamin e Arbrin ka shoqëri apo lojë, e Arbrin e pyet se si ndihet kur të tjerët e komentojnë si vegël të Liamit. Liami i jep dy zara Ermalit e Gentës e thotë se më parë duhet t’i hedhë Françeska zaret që të fillojë loja, ndërsa Françeska kundërpërgjigjet se nuk denjon të flasë me Liamin, 33 vjeç pasi për të është zero.

Banorët në dhomën e ndenjes; Ngacmojnë me shaka Gentën

admin — Tue, 01 May 2012 16:00:27 +0000

Banorët ndodhen në dhomën e ndenjes dhe fillojnë që të bëjnë biseda nga më të ndryshmet duke u munduar që të kalojnë në harmoni me njëri-tjetrin. Genta hap një bisedë duke pyetur banorët se nëse do t’u krijohej mundësia që të takonin një person të famshëm brenda shtëpisë së Big Brother kë do të zgjidhnin ata. Banorët e tjerë nuk e marrin seriozisht pyetjen e saj dhe fillojnë që të bëjnë shaka e të tallen me Gentën. Banorët e në veçanti Ermali e ngacmojnë Gentën e cila është shprehur se i pëlqen fama dhe kjo ka qenë një ndër arsyet e saj të futjes në Big Brother 5. Ermali e ngacmon Gentën për adresat e saj të internetit dhe të Facebook-ut duke thënë se ajo i ka krijuar vetë faqet e sa që publiku ta mbështeste, përpara se të hynte në Big Brother, por Genta i mohon këto dhe thotë se ajo ka pasur vetëm dy faqe në facebook dhe ato i ka mbyllur përpara se të hynte në BB5. Më pas banorët vazhdojnë të bëjnë shaka për jetën që i pret jashtë shtëpisë. Duke qenë në nominim këtë javë Banorët ngacmojnë kryesisht Gentën duke aluduar se çfarë do të thotë ajo për banorët e tjerë dhe për eksperiencën e saj. Erioni e ngacmon Gentën duke i dhënë disa alternativa se çfarë do të thotë ajo për të dhe Klaudjën, për Gracianon dhe Lorin dhe Genta u përgjigjet banorëve “u në kam aq shumë për të folur për veten time saqë juve nuk ju llogaris fare”. Kështu banorët argëtohen duke bërë shaka me njëri-tjetrin dhe duket se tashmë i kanë lënë pas debatet e zënkat e tyre.

Liami: “Ola nuk është për këtë lojë”; Gerta: “Ermali është banal”

admin — Tue, 01 May 2012 10:49:04 +0000

Liami, Arbri, Gerta e Tani qëndrojnë në oborr duke biseduar. Djemtë supozojnë se Gerta do të largohet sonte e ajo përgjigjet se dhe po të dalë, do të shkojë në shtëpinë e saj, kështu që nuk ka përse të mërzitet. Tani shprehet se mendon që sonte do të largohet Ola prej tyre që janë në nominim e Liami thotë se Ola nuk është për këtë lojë, ndërsa Gerta shton se ajo është vajzë e mirë, pozitive, por nuk ka dhënë shumë në këtë lojë. Ata flasin për Ermalin, e Gerta thotë se ai është shumë banal, ndërsa Liami thotë se problemi i Ermalit është toni i zërit. Arbri shprehet se dje Ermali ka qenë ‘skandal’ e Liami shton se ai është gjithnjë ashtu. Ata flasin dhe për Ermalin e Françeskën si çift, e shprehen se kanë mundur të bëjnë shumë show, por nuk dinë. Liami thotë se ata janë shumë monoton, Gerta shton se ata nuk janë tipa, ndërsa Tani thotë se nuk i duket se mes tyre ka ndjenjë të fortë. Ndërkohë, Graciano e Ola qëndrojnë në sallon duke biseduar, ku Ola shprehte se me Françeskën ka folur shumë e ajo e ka pyetur se kujt do t’ia delegojë imunitetin kur ajo të largohet, gjë e cila Olës i ka bërë përshtypje. Graciano shprehet se në këtë lojë është i vetëm dhe nuk i beson askujt e së fundi shprehet se mendon që sonte do të largohet Tani.

(marre nga bigbrother-albania.info)

Genta e Graciano ndajnë keqardhjen që duhet të luftojnë kundër njëri-tjetrit këtë javë

admin — Mon, 30 Apr 2012 21:56:19 +0000

Graciano dhe Genta ndodhen në dhomën e ndenjes dhe fillojnë të flasin me njeri-tjetrin për nominimin e kësaj jave. Ata të dy shprehen se u vjen keq që janë përballë njëri-tjetrit dhe për më tepër që janë vetëm ata të dy në nominim dhe njëri prej tyre do të lërë lojën të shtunën e ardhshme. Graciano i thotë Gentës se atij i vjen keq që nominimi shkoi në këtë mënyrë sepse ata kanë qenë miq të mirë dhe gjithmonë e ka shprehur se nuk do të donte që të ishte vetëm përballë Ge4ntës në nominim. Nga ana tjetër edhe Genta shprehet se i vjen keq për këtë situatë që është krijuar sepse do të shpresonte që në nominim të ishin më shumë se dy dhe për më tepër nuk do të donte që të kishte përballë Gracianon të cilin në disa momente ajo e ka quajtur edhe vëlla. Graciano thotë “mendoja që do të dilte edhe Gerta me neve në nominim” ndërsa Genta thotë se është e sigurt 100% se grupi ku ndodhet Gerta kanë votuar që të katërt që ajo të ishte në nominim. Graciano thotë se atij i vjen keq edhe për faktin se Gerta e Tani që sipas tij nuk janë aq aktivë sa ai e Genta në shtëpi, do të qëndrojnë më gjatë se ata. Genta po ashtu thotë se ata janë banorë që kanë hyrë shumë vonë në Big Brother dhe nuk meritojnë që të dalin për m tepër që ajo e Graciano janë ndër banorët e parë që kanë hyrë që në 18, madje Genta është banorja e parë që ka hyrë në Big Brother 5. Më pas Graciano i thotë Gentës se në fund të fundit e rëndësishme është që ata ta shijojnë këtë eksperiencë dhe thotë “rëndësi ka që ta shijojmë”. Më pas Genta e pyet se si u dje gjatë momentit që doli Ola dhe Graciano i thotë se i vjen shumë keq që Ola doli sepse sipas tij në shtëpi ka banorë që nuk meritojnë që të jenë pjesë e shtëpisë si Gerta e Tani. Më pas aty vijnë Franceska dhe Erioni të cilët fillojnë të flasin për qentë e tyre dhe Erioni u bën lojra banorëve me qenin e tij Xhesi.

Ermali u dikton banorëve: “Mos e mbështesni Gertën”; Thurin plan për të sulmuar Arbrin

admin — Mon, 30 Apr 2012 21:47:56 +0000

Banorët në dhomën e gjumit, Ermali, Françeska, Erioni dhe Genta japin mendimin tyre duke komentuar debatin që ka ndodhur midis të gjithëve në kopsht. Ata fillojnë të komentojnë Gertën, duke kujtuar mënyrën se si ajo ka hyrë në shtëpi dhe qëndrimin që po mban brenda shtëpisë. Ermali i këshillon banorët që të mos i qëndrojnë afër Gertës e të mos e mbështesin atë. Këtë gjë ai ia vë në dukje Françeskës sidomos, e cila i ka qëndruar afër Gertës e i ka thënë se ajo nuk është duke u sjellë keq. Ai thotë se banorët nuk kanë se ku ta sulmojnë tjetër veç faktit se ai nervozohet dhe flet me fjalor të pisët. Ata thurin plan që t’ia vënë në dukje Arbrit faktin që ka thënë se sivjet do ta fitojë një banor nga Kosova dhe faktin që paragjykon fshatin, pasi ia ka thënë Gentës disa herë këtë gjë. Gerta del në kopsht me Grandiolën dhe thotë se ka biseduar me Liamin dhe është sqaruar me Liamin. Por Gerta është e indinjuar nga bisedat që ka dëgjuar nga banorët e tjerë, të cilët e paragjykojnë vetëm për faktin se si vishet. Ajo mendon se Genta është transportuese e fjalëve, ën interes të Ermalit. Komentet midis banorëve lidhur me debatin stërgjatë të natës së sotme, vazhdojnë ende. Banorët komentojnë duke përsëritur ato që kanë thënë gjatë gjithë natës lidhur me debatin.
(marre nga bigbrother-albania.info)

Nëna e Gentës: Fotot skandal, në fshat nuk dinë gjë, nami në Tiranë

admin — Tue, 24 Apr 2012 08:48:00 +0000

Nëna e Gentës në BB5 shprehet se djali që vajza e saj do, Rubensi ka publikuar fotot skandal.

“U ndjeva shumë keq, nuk gjej dot fjalë për ta përshkruar atë që ndjeva. Rubensi i ka hedhur ato foto dhe nuk e di se si e ka gjetur guximin për ta bërë këtë gjë.”

E ftuar në emisionin ‘Fan Club’ në Top Channel, nëna e Genta Gjalpit shpjegon se kurrë nuk e ka pranuar lidhjen e vajzës së saj me Rubensin.
“Nuk e donim lidhjen sepse ata ishin të vegjël dhe Genta duhej të vazhdonte shkollën. Vetëm në Tiranë është folur për këtë lidhje e ka pasur thashetheme. Në fshatin tonë njerëzit shohin punën e tyre.”

Më tej, zonja këmbëngul se fotot erotike janë publikuar nga ish i dashuri i vajzës: “Ato foto i kanë pasur vetëm ata të dy dhe ai i ka thënë që fotot do i publikonte nëse Genta hynte në Big Brother.”

”Për mua historia me Rubensin është e mbyllur, por nuk e di si do reagojë ajo. Ne do e mbështesim shumë Gentën”, përfundon e ëma e konkurrentes së Big Brother.

(marre nga BalkanWeb)

Komentojnë daljen e Edgarit; Arbri, Liami e Tani: “Edi ia bëri vetes”

admin — Mon, 23 Apr 2012 20:55:27 +0000

Ndërsa Liami, Gerta dhe Arbri darkojnë me njëri-tjetrin, me ta bashkohet edhe Tani dhe të gjithë fillojnë të diskutojnë për nominimet dhe për banorët që rrezikojnë me tepër për t’u larguar nga shtëpia. Liami mendon se nominimet e kësaj nate janë ato të duhurat. Gjithashtu, ai thotë se ka dashur që Graciano të ishte në nominim dhe kështu ndodhi. Ndërsa Tani mendon se Graciano nuk mund të dalë nga shtëpia, pa dalë më parë Gerta, Ola dhe ai vetë. Ndërsa Gerta i thotë se ai nuk duhet të bazohet në fakte të tilla, pasi rasti konkret ishte largimi i Edit nga shtëpia. “Edi kishte dy javë që duhet të dilte se u banalizua”, shprehet Tani. Liami mendon se loja e Big Brother nuk funksionon në mënyrën që ata po mendojnë. “Unë kam vënë re që nuk ka shumë lidhje forca këtu, por është edhe me tip”, shprehet Liami. Më vonë banorët fillojnë që të flasin për Gracianon. Tani thotë se Graciano po humbet respektin e shumë njerëzve vetëm për faktin se gërricet pa shkak me të gjithë. Ndërsa Liami mendon se Graciano është një ndër banorët e duhur brenda shtëpisë, pasi ai di shumë mirë që të kthejë gjithçka në avantazh të tij. Për këtë Liami merr shkas të flasë lidhur me zënkën që ka pasur me Gracianon, duke thënë se Graciano i ka transformuar komplet fjalët, pasi ai nuk e ka ofenduar. Pak më vonë ata flasin për eliminimin Edgarit, të cilin shumica e banorëve brenda shtëpisë, nuk e prisnin. “Edgari ia bëri vetes”, shprehet Arbri, mendimin të cilit e përkrah edhe Liami. Pastaj banorët komentojnë hyrjen e Klaudjas në shtëpi, duke thënë se ajo ka bërë gjënë e duhur, pasi Erioni duhet t’ia kishte treguar se nuk kërkon që të bëjë më me të.

(marre nga bigbrother-albania.info)

Lorena: Po, bëra seks në Big Brother

admin — Mon, 23 Apr 2012 18:11:50 +0000

Është 20 vjeçe, studente në Fakultetin e Inxhinierisë për Topografi. Hyrja në Big Brother në fillim ishte një test për të, nëse do pranohej apo jo! Por shumë shpejt u bë realitet. Dy javë pasi ky show kishte filluar, e lajmëruan se do të hynte në shtëpi. E pranoi pa u menduar dy herë, por kurrë nuk e kishte menduar se aty do të krijonte një lidhje që do përflitej kaq shumë për skenat seksuale netëve të vona në shtëpi. Në fund të fundit jam 20 vjeçe, tregon Lori, dhe nuk kam pse mendoj kaq shumë se si mund të përkthehet lidhja ime në shtëpi. Në fund të fundit bëra atë që më pëlqente e dhe u ndjeva mirë. Gjëja që më ngrohë më shumë është se familja mbështeti veprimet dhe sjelljen time. Lorena në këtë bisedë, një javë pas daljes nga shtëpia na tregon më shumë për veten, lidhjen intime brenda shtëpisë dhe si do e pres ajo Gracianon kur të dal nga shtëpia.

Çfarë ju shtyu të merrnit pjesë në Big Brother?

Për të provuar nëse do të hyja apo jo. Nuk e kisha menduar ndonjëherë seriozisht. Isha me disa miq të mi për kafe, aplikova dhe u pranova. Kur filloi Big Brother e ndava mendjen që nuk do futesha, një ditë para hyrjes më morën në telefon dhe hyra.

Ju hytë dy javë me vonesë, e kishit ndjekur ato dy javë?
Po, e kisha ndjekur. Nuk mund të them që i njihja personazhet, por i kisha parë. Nuk hyra aty me premtimin se çfarë do të bëj apo se si do të sillem.

Çfarë ishte për ty Big Brother?
Ishte një eksperiment për mua. Shumë reagime të tuat aty brenda nuk mund të jenë ashtu në të vërtetë. Unë nuk isha ajo që tregova veten aty brenda.

Çfarë të afroj më shumë me Gracianon?
Në fillim gjërat e vogla. Mosha, tipi i lëvizur…

Je tip aventuriere?
Në përgjithësi po, i marrë gjërat lehtë dhe me sportivitet.

E kishe menduar që mund të lidheshe aty brenda?
Nuk është se i vura vetes një kufi, që kur të hyj aty do bëj këtë apo do të bëj atë. Hyra me mendimin do shoh dhe do reagoj ashtu siç është momenti. Por nga ana tjetër nuk do i ndaloj vetes asgjë.

E konsideron veten të lidhur me Gracianon?
Po, mendoj që kur të dal jashtë do shohim.

Çfarë bëtë ju në Big Brother?
Bëra qejf. Bëra atë që ndjeva. Kalova mirë, ishte një eksperiencë që nuk do e përjetojë njëherë tjetër. Nuk jam penduar fare që kam hyrë aty dhe mund të them që e kam shijuar.

Marrëdhënie seksuale në Big Brother?
Intimiteti është diçka shumë personale. Në Big Brother duke qenë i vëzhguar 24 orë nuk ke shumë mundësi t’i fshehësh dhe tani që më bëhet kjo pyetje, me vjen mirë që ka ngelur ende pa një përgjigje konkrete. Mua më pëlqen kjo gjë sepse kuptoj që publiku nuk e ka kapur dot dhe më pëlqen ta lë kështu. Por u them që të mendojnë pozitivisht, aty ka pasur dashuri

Ta impononte ambient i mbyllur intimitetin?
Të rrish 24 aty, jashtë mund të ndodh për një muaj, por aty brenda edhe për tre ditë. Aty gjërat ndodhin më shpejt se sa në jetën reale.

Si të pritën familjarët pas daljes nga shtëpia?
Jam ndjerë e pritur shumë ngrohtë nga familja. E dija që mami do më kishte kuptuar. Ishte shumë e lumtur për mua dhe e kishte marrë shumë malli. Ajo gjithmonë më ka kuptuar dhe ka qenë tolerante ndaj zgjedhjeve të mia e më ka thënë nëse ti je mirë edhe unë jam mirë.

Kush do e fitoj Big Brotherin?
Graciano.

Mos u ndiko nga simpatia personale…
Jo nuk ndikohem, por thjesht mendoj që është njeriu më i drejtë dhe më i mirë aty brenda. Është i vërtetë, i shkathët dhe di t’ia tregojë vendin të tjerëve aty brenda.

Kur e kuptove që mund të lidheshe me të ?
Duke e njohur, duke e parë.

(marre nga bigbrother-alabania.info)

Genta shokohet nga publikimi i fotove nudo

admin — Mon, 23 Apr 2012 17:46:40 +0000

Drejtuesit e spektaklit Big Brother 5 kanë menduar t’ia njoftojnë vajzës nga Devolli, Gentës publikimin e fotove nudo para se ajo të dalë nga Big Brother në një përballje dramatike me ish-të dashurin Rubensin, ndërsa janë shfaqur disa prej titujve të gazetave dhe njëkohësisht dhe pak prej fotove që janë publikuar.

Spektakli është rezervuar vetëm me një nga fotot, ndërsa çifti ka përmendur edhe emrat prej nga mund të kishin dalë këto foto. Rubensi ka mohuar që ka nxjerrë fotot, por vajzës edhe pse nuk i është treguar gjithçka i është lënë të kuptohet se disa prej fotove intime janë publikuar. Të dy kanë diskutuar ndërkohë për lidhjen e tyre ndërsa mësohet se bëhet fjalë se kanë qenë prej kohësh bashkë.

Gjatë gjithë bisedës Genta ka qarë ndërsa ajo është tronditur tej mase kur ka mësuar edhe pse vetëm pjesërisht publikimin e fotove intime.

Personazhi për momentin më i përfolur i Big Brother ka marrë mbështetjen e ish të dashurit dhe drejtuesve të spektaklit, por ndërsa në një moment tronditje duket se u mendua që ajo mund të largohej nga shtëpia për shkak të ngjarjes, por megjithatë nuk e bëri.

Ndërkohë Rubensi dhe ai protagonist në foto ka thënë se nuk i ka publikuar ai ato, por dikush tjetër për të cilin as ai as Genta nuk kanë mundur të kenë identitet. Ndërkohë publikuesi i fotove mbetet enigmë, dhe pse ruajtësi i tyre ishte vetë djali Rubens.

(marre nga BalkanWeb)